Nýtt efni

Almannaheillasamtök eru eðlilegir bandamenn hins opinbera.  Íslensk almannaheillasamtök hafa ekki látið sitt eftir liggja í glímunni við afleiðingar efnahagskreppu þjóðarinnar. Þau hafa létt undir með einstaklingum og hópum sem orðið hafa fyrir barðinu á fylgifiskum kreppunnar með ýmsum hætti, t.d. vinnu sjálfboðaliða og fjárhagslegum stuðningi, sem oftast er fenginn beint frá almenningi. Þau hafa einnig skapað ný úrræði, hlaupið undir bagga með opinberum aðilum og jafnvel tekið að sér verkefni og mikilvæga þjónustu sem ríki og sveitarfélög sjá sér ekki lengur fært að sinna.

Fyrsti stjórnarfundur Almannaheilla haldinn fimmtudaginn 28. maí 2009  kl:8:30, í húsi Krabbameinsfélags Íslands að Skógarhlíð 8, Reykjavík

Aðalfundur Almannaheilla var haldinn 19. maí sl., kl. 15-17:00 í húsakynnum Krabbamainsfélags Íslands við Skógarhlíð 8 í Reykjavík. Fundurinn var mjög vel sóttur og mikil samstaða meðal fundarmanna.

Almannaheill er aðili að verkefninu bjartsyni.is, en markmiðið með vefnum er að koma á framfæri jákvæðum sögum, hugmyndum og ábendingum úr íslensku samfélagi. Í þeim fjárhagslegu erfiðleikum sem nú steðja að þjóðinni er mikilvægt að gleyma ekki því sem gengur vel, enda getur góður árangur eins orðið öðrum hvatning eða fyrirmynd.

Landsmenn eru hvattir að senda inn góðar sögur.