Fréttir

Framkvæmdastjórn Evrópusambands Ólympíunefnda sæmdi um síðustu helgi Stefán Konráðsson fyrrverandi framkvæmdastjóra Íþrótta- og Ólympíusambands Íslands sérstakri heiðursviðurkenningu, Laurel - lárviðarsveig EOC.

Almannaheillasamtök eru eðlilegir bandamenn hins opinbera.  Íslensk almannaheillasamtök hafa ekki látið sitt eftir liggja í glímunni við afleiðingar efnahagskreppu þjóðarinnar. Þau hafa létt undir með einstaklingum og hópum sem orðið hafa fyrir barðinu á fylgifiskum kreppunnar með ýmsum hætti, t.d. vinnu sjálfboðaliða og fjárhagslegum stuðningi, sem oftast er fenginn beint frá almenningi. Þau hafa einnig skapað ný úrræði, hlaupið undir bagga með opinberum aðilum og jafnvel tekið að sér verkefni og mikilvæga þjónustu sem ríki og sveitarfélög sjá sér ekki lengur fært að sinna.

Gunnar E. Kvaran frá almannatengslafyrirtækinu Athygli kom á fund Almannaheilla í gær og ræddi um leiðir og aðferðir almannaheillasamtaka til að nálgast og ná athygli fjölmiðla. Fulltrúm allra aðildarsamtaka Almannaheilla var boðið að sækja fundinn og var gerður góður rómur að máli Gunnars. 

Stjórnum og starfsfólki aðildarsamtaka Almannaheilla býðst 20% afsláttur af öllum námskeiðum Opna háskólans í Háskólanum í Reykjavík. Vinsamlegast tilgreinið við skráningu aðild að Almannaheillum.

Afslátturinn er veittur sem stuðningur við það mikilvæga starf sem samtökin sinna í samfélaginu.

Smellið hér til að kynna ykkur næstu námskeið Opna háskólans

Aðalfundur Almannaheilla var haldinn 19. maí sl., kl. 15-17:00 í húsakynnum Krabbamainsfélags Íslands við Skógarhlíð 8 í Reykjavík. Fundurinn var mjög vel sóttur og mikil samstaða meðal fundarmanna.

Nýlega var tilkynnt um að Vinnumálastofnun verði heimilt að gera sérstakan samning við frjáls félagasamtök um að atvinnuleitandi taki þátt í sjálfboðaliðastarfi enda um að ræða vinnumarkaðsúrræði skv. b-lið 12. gr. laga um vinnumarkaðsaðgerðir. Almannaheill fagnar þessu mikilvæga framtaki.

Almannaheill er aðili að verkefninu bjartsyni.is, en markmiðið með vefnum er að koma á framfæri jákvæðum sögum, hugmyndum og ábendingum úr íslensku samfélagi. Í þeim fjárhagslegu erfiðleikum sem nú steðja að þjóðinni er mikilvægt að gleyma ekki því sem gengur vel, enda getur góður árangur eins orðið öðrum hvatning eða fyrirmynd.

Landsmenn eru hvattir að senda inn góðar sögur.