Fréttir

Fyrirlestur Prof.Helmuts K. Anheier var haldinn í Háskóla Íslands í dag, föstudaginn 5. desember . Mikill fjöldi sótti fyrirlesturinn sem haldinn var í tilefni af útkomu bókarinnar Stjórnun og rekstur félagasamtakanna. Háskóli Íslands stóð að fyrirlestrinum í samstarfi við Almannaheill, Rannsóknasetur um barna- og fjölskylduvernd og Rannsóknastöð um þjóðmál.

 

Samtök um almannaheill héldu málþing á Hallveigarstöðum fimmtudaginn 6. nóv. sl.

"Samtökin almannaheill vilja, í ljósi atburða síðustu daga, minna á það mikilvæga hlutverk sem íslensk almannaheillasamtök gegna í glímu við erfið áföll sem samfélag okkar verður fyrir.

Samtökin almannaheill hvetja nú öll íslensk almannaheillasamtök, á hvaða sviði þjóðlífsins sem þau starfa, til að leggja sig fram nú sem endranær við að liðsinna fólki sem glímir við vandamál vegna þeirrar fjármálakreppu sem ríður yfir þjóðina."

Þann 26. júní 2008 voru stofnuð Samtökin almannaheill sem er samstarfsvettvangur félaga og sjálfseignarstofnana sem vinna að almannaheill á Íslandi. Samtökunum er ætlað að vinna að sameiginlegum hagsmunamálum fyrir almannaheillasamtök og sjálfseignarstofnanir sem starfa í almannaþágu, skapa þessum aðilum hagfellt starfsumhverfi, styrkja ímynd þeirra og efla stöðu þeirra í samfélaginu. Ennfremur að vera málsvari þeirra gagnvart opinberum aðilum og samfélaginu, stuðla að umræðu og þrýsta á aðgerðir stjórnvalda í málefnum þeirra.